Qaydalar
Tamubu — Elan yerləşdirmə qaydaları
tamubu.com
1. Ümumi müddəalar
Tamubu platformasında istifadəçilər kateqoriya və subkateqoriya limitlərini aşmamaq şərti ilə ayda limitsiz sayda pulsuz elan yerləşdirə bilər. Hər bölmə üzrə elan limiti fərqlidir. Ətraflı məlumat «Elan limitləri» bölməsində göstərilib.
Limitdən artıq elan yerləşdirmək yalnız ödənişli xidmətlər vasitəsilə mümkündür.
Standart elanların aktiv müddəti 30 gündür. Aşağıdakı kateqoriyalarda aktiv müddət 60 gündür:
- Daşınmaz əmlak (bütün alt kateqoriyalar)
- Avtomobillər
- Avtobuslar və xüsusi texnika
- Motosikletlər və mopedlər
- Su nəqliyyatı
Elanın müddəti bitdikdə istifadəçi onu bərpa edə və ya yeni elan kimi yenidən yerləşdirə bilər.
İstifadəçi elanın qanunvericiliyə və sayt qaydalarına uyğunluğuna görə tam məsuliyyət daşıyır. Pozuntu aşkarlandıqda inzibatçılıq elanı redaktə etmək və ya silmək hüququna malikdir.
Ödənişli xidmətlər elanın aktiv müddətini yeniləyir və uzadır.
Alış sorğusu üçün elan yerləşdirmək qadağandır.
Qaydalar pozulduqda ödənişli elanlar da bloklana və ya silinə bilər.
2. Təsvir bölməsi
- Təsvir bölməsi mütləq doldurulmalıdır.
- Axtarış üçün vacib açar sözlər (marka, model və s.) göstərilməlidir.
- Təsvir başlığa və şəkillərə tam uyğun olmalıdır.
- Bir elanda yalnız bir məhsul və ya xidmət təklif edilə bilər.
- Link, telefon nömrəsi, e-poçt və digər əlaqə məlumatları yazmaq qadağandır.
- Qrammatik səhvlərə və anlaşılmaz ifadələrə yol verilməməlidir.
3. Qiymət
- Qiymət ayrılmış xanada göstərilməlidir.
- «Şərti qiymət», «razılaşma yolu ilə» kimi qeydlər qadağandır.
- Uyğun qiymət seçmək üçün həmin kateqoriyadakı digər elanlarla tanış ola bilərsiniz.
4. Şəkillər
- Yalnız keyfiyyətli şəkillər qəbul olunur.
- Maksimum 20 şəkil, minimum 1 şəkil (daşınmaz əmlak, avtomobil, motosiklet, su nəqliyyatı və xüsusi texnika kateqoriyalarında minimum 5 şəkil tələb olunur).
- Ölçü: 1024×737 px, maksimum 3 MB.
- Şəkillərdə loqo, telefon nömrəsi, sosial şəbəkə ünvanı və reklam məzmunu olmamalıdır.
- Ekran görüntüləri, çərçivəli və ya qara-ağ haşiyəli şəkillər qəbul edilmir.
- Şəkillər yalnız elan edilən məhsul və ya xidmətə aid olmalıdır.
- Qaydalara uyğun olmayan şəkillər silinir.
5. Əlaqə məlumatları
- Telefon nömrəsi və e-poçt yalnız ayrılmış xanalarda göstərilməlidir.
- Başlıqda və təsvirdə əlaqə məlumatı yazmaq qadağandır.
- Elan yerləşdirildikdən sonra telefon nömrəsini dəyişmək mümkün deyil.
- Səhv göstərilmiş e-poçt təsdiq kodunun çatmasına mane ola və əməliyyatları bloklaya bilər.
- Başqasının telefon nömrəsindən istifadə hesabın həmişəlik dayandırılmasına səbəb olur.
- Telefon nömrəsi səhv göstərilibsə, elan avtomatik silinir.
6. Təkrar elanlar
- Mövcud elanı yenidən yerləşdirmək təkrar sayılır və silinir.
- Eyni məzmunun fərqli hesablardan yerləşdirilməsi də təkrar sayılır.
7. Çoxsaylı hesablar
- Bir şəxs yalnız bir hesab yarada bilər.
- Eyni şəxsə aid bir neçə hesab aşkarlansa, hamısı avtomatik bloklanır.
- Hesabların icarəyə verilməsi və satılması qadağandır.
- Əlaqə məlumatlarını dəyişmək üçün [email protected] ünvanına müraciət etmək kifayətdir.
8. Yanlış kateqoriya
- Elanlar yalnız uyğun kateqoriya və subkateqoriyada yerləşdirilməlidir.
- Yanlış kateqoriyadakı elanlar silinə və ya inzibatçılıq tərəfindən düzgün kateqoriyaya köçürülə bilər.
9. Başlığa qoyulan tələblər
- Başlıq qısa olmalı və elan edilən məhsula uyğun olmalıdır.
- Maksimum 100 simvol.
- Böyük hərflərlə (CAPS LOCK) yazmaq olmaz (abbreviaturalar istisnadır).
- Telefon, e-poçt və ya link yazmaq qadağandır.
- Həddindən artıq nida (!!!) və sual (????) işarələrindən istifadə etmək olmaz.
- Açar sözlərin təkrarlanması qadağandır.
10. Qadağan olunmuş elanlar
- Qanunla qadağan olunmuş mal və xidmətlərin elanları dərhal silinir, hesab həmişəlik bloklanır.
- Brend və loqolardan icazəsiz istifadə qadağandır.
- Şübhəli gəlir sxemləri, real olmayan iş təklifləri və fırıldaqçılıq ehtimalı olan elanlar qəbul edilmir.
- İstifadəçi elanlarına görə tam hüquqi məsuliyyət daşıyır.
11. Elanın redaktəsi
- Elanı redaktə etmək üçün PIN kod tələb olunur.
- Hər elan maksimum 2 dəfə redaktə edilə bilər.
- Qaydalara uyğun olmayan dəyişikliklər qəbul edilmir.
- Redaktə elanı siyahıda yuxarı qaldırmır.
12. Qara siyahı
İstifadəçi aşağıdakı hallarda qara siyahıya əlavə edilə bilər:
- Operator və ya moderatorlara qarşı etik olmayan davranış
- Telefonla fərqli qiymət demək və ya yanıldıcı şəkil yerləşdirmək
- Təkrar elan qaydalarının dəfələrlə pozulması
- Fərdi istifadəçi elanlarının şirkət adından satılması
- Başqasının telefon nömrəsindən istifadə (şikayət əsasında)
Qara siyahıya əlavə edilmiş nömrələr bərpa edilmir.
13. Mağaza və şirkətlər
- Bütün qaydalar mağaza və şirkətlərə də şamil olunur.
- Mağazalar yalnız qeydiyyatdan keçdikləri fəaliyyət sahəsi üzrə elan yerləşdirə bilər.
- Elan yerləşdirmək üçün ödənişli paketlər mövcuddur (30 günlük aktiv müddət).
- Qaydaların qəsdən pozulması müqavilənin ləğvinə səbəb ola bilər. Ödənişlər geri qaytarılmır.
14. Texniki dəstək
Tamubu texniki dəstək xidməti ilə [email protected] ünvanı vasitəsilə əlaqə saxlaya bilərsiniz.
Müraciət zamanı elanın nömrəsi göstərilməlidir.
Xidmət göstərilibsə, ödənişli xidmətlərin pulu geri qaytarılmır. Dərc olunmamış elanlarda səbəb avtomatik e-poçtla göndərilir.
Tamubu inzibatçılığı bu qaydaları istənilən vaxt əvvəlcədən xəbərdarlıq etmədən yeniləmək hüququnu özündə saxlayır.
